عندنا قلب جديد!!! - منتدى أحلى حياة في طاعة الله

12-05-2011, 10:28 PM

رقم المشاركة : 1

امة الرحمن/فاطمة

مشرفة

الجنس: female

اسم الدولة Egypt

امة الرحمن/فاطمة غير متواجد حالياً

عندنا قلب جديد!!!

قلبي ده شاف كتيييييير وعمل كتييييييييير عملت ذنوب مفيش زيها

خلاص حاسس إنه مينفعش يكون قلب أصلا لأني معدتش حاسس بيه

ليه بس مين قال كده

طيب إيه رأيك إن ممكن قلبك ده يرجع زي الأول وكأنه لسة مولود جديد

ياسلام إزاي بقي ؟؟

طيب قبل ما نقول إزاي

إنت مفكرتش إشمعنا القلب اللي بنتكلم عنه

مش بنتكلم عن الجوارح التانية

طبعا علشان القلب هو اللي بستشعر بيه كل معاني القرب من ربنا

اه صح تمام أوي

علشان الطريق لربنا بتقطع بالقلوب مش بالأقدام

ممكن ناس تعمل كتيييييييير

لكن قلبها مش صادق فخلاص مش هتوصل

ربنا يريد مننا قلبنا ومش يريد حاجة تاني

سَمِعَ أَبَا سَعِيدٍ مَوْلَى عَبْدِ اللَّهِ بْنِ عَامِرِ بْنِ كَرِيزٍ ، يَقُولُ : سَمِعْتُ أَبَا هُرَيْرَةَ ، يَقُولُ : سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ فِي حَدِيثٍ ذَكَرَهُ : " إِنَّ اللَّهَ لا يَنْظُرُ إِلَى أَجْسَادِكُمْ وَلا إِلَى صُوَرِكُمْ ، وَلَكِنْ يَنْظُرُ إِلَى قُلُوبِكُمْ ، التَّقْوَى هَا هُنَا " وَأَشَارَ إِلَى صَدْرِهِ ، رَوَاهُ مُسْلِمٌ فِي الصَّحِيحِ , عَنْ أَبِي الطَّاهِرِ , عَنِ ابْنِ وَهْبٍ .

تاني حاجة لأن القلب ده بيد الله فهو علشان كده موضوع القلب ده خطير اوووي

، قال الحبيب محمد -صلى الله عليه وسلم-: "القلوب بين اصبعين من أصابع الرحمن يقلبها كيف يشاء، فأيما قلب أراد أن يقيمه أقامه، وأيما قلب أراد أن يزيغه أزاغه"

فقلبك مش في إيدك..

قال الله تعالى: { يَا أَيُّهَا الَّذِينَ آمَنُواْ اسْتَجِيبُواْ لِلّهِ وَلِلرَّسُولِ إِذَا دَعَاكُم لِمَا يُحْيِيكُمْ وَاعْلَمُواْ أَنَّ اللّهَ يَحُولُ بَيْنَ الْمَرْءِ وَقَلْبِهِ وَأَنَّهُ إِلَيْهِ تُحْشَرُونَ } [ الأنفال/24]

يبقي نستجيب لكن ممكن يحال بينكم وبين الإستجابة

علشان المسألة مسألة قلب

يعني ربنا بيملئ قلوب المؤمنين إيمانا

وبيملئ قلوب الكافرين كفر

قال سبحانه وتعالى: { هُوَ الَّذِي أَنزَلَ السَّكِينَةَ فِي قُلُوبِ الْمُؤْمِنِينَ لِيَزْدَادُوا إِيمَاناً مَّعَ إِيمَانِهِمْ وَلِلَّهِ جُنُودُ السَّمَاوَاتِ وَالْأَرْضِ وَكَانَ اللَّهُ عَلِيماً حَكِيماً } [ الفتح/4]

شوف بقي { هُوَ الَّذِي.. } من هو؟ الله

يعني في الأول أنزل السكينة ..ليه ..ليزدادوا إيمانا

وبعد كده

علشان يدخلوا الجنة

وفي المقابل، قال الله سبحانه وتعالى: { كَذَلِكَ نَسْلُكُهُ فِي قُلُوبِ الْمُجْرِمِينَ } [ الحجر/12]{ لاَ يُؤْمِنُونَ بِهِ وَقَدْ خَلَتْ سُنَّةُ الأَوَّلِينَ } [ الحجر/13]

فالذي يسلك الكفر في قلوب الكافرين.. الله.

والذي يزين الطاعة ويحبب الإيمان ويزيده في قلوب المؤمنين: الله..

فالخطورة إن قلبك ده بيد الله بيد عليم خبير يعلم البواطن والسرائر

بيجازي الحسنة بالحسنة والسيئة بالسيئة

فأخطر حاجة إن قلبك ده مش في إيدك ، قال الله: { .. فَلَمَّا زَاغُوا أَزَاغَ اللَّهُ قُلُوبَهُمْ.. } [ الصف/5]

وكمان حاجة مهمة إن دخول الجنة مش بيكون إلا بالقلب

، قال الله تعالى: { إِلَّا مَنْ أَتَى اللَّهَ بِقَلْبٍ سَلِيمٍ } [ الشعراء/89]

وقال تعالى: { وَأُزْلِفَتِ الْجَنَّةُ لِلْمُتَّقِينَ غَيْرَ بَعِيدٍ } [ ق/31]{ هَذَا مَا تُوعَدُونَ لِكُلِّ أَوَّابٍ حَفِيظٍ } [ ق/32]{ مَنْ خَشِيَ الرَّحْمَن بِالْغَيْبِ وَجَاء بِقَلْبٍ مُّنِيبٍ } [ ق/33]{ ادْخُلُوهَا بِسَلَامٍ ذَلِكَ يَوْمُ الْخُلُودِ } [ ق/34]

ودخول النار برده بالقلب

.. قال الله تعالى: { وَلَقَدْ ذَرَأْنَا لِجَهَنَّمَ كَثِيراً مِّنَ الْجِنِّ وَالإِنسِ لَهُمْ قُلُوبٌ لاَّ يَفْقَهُونَ بِهَا.. } [ الأعراف/179]

طيب علشان القلب مهم اوي كده هنغوص في القلب شوية

القلب ده مكون من 4 أجزاء

، الصدر.. القلب.. الفؤاد.. اللب

والإيمان أو الكفر لما بيدخلوا بيدخلوا الأجزاء الأربعة دول

أول حاجة لما يكون عندك علم بالله يدخل الإيمان صدرك

قال الله تعالى: { بَلْ هُوَ آيَاتٌ بَيِّنَاتٌ فِي صُدُورِ الَّذِينَ أُوتُوا الْعِلْمَ.. } [ العنكبوت/49]

فينشرح صدرك فينتقل بقي للقلب

، { فَمَن يُرِدِ اللّهُ أَن يَهْدِيَهُ يَشْرَحْ صَدْرَهُ لِلإِسْلاَمِ.. } [ الأنعام/125]

لما ينشرح الصدر ويدخل للقلب يطمئن بقي القلب

{ الَّذِينَ آمَنُواْ وَتَطْمَئِنُّ قُلُوبُهُم بِذِكْرِ اللّهِ.. } [ الرعد/28]

فلما قلبك يطمن ينتقل للفؤاد فيحصل التثبيت

{ .. كَذَلِكَ لِنُثَبِّتَ بِهِ فُؤَادَكَ.. } [ الفرقان/32]

لما يحصل التثبيت هيحصل إيه هيبقي عندك بقي يقين كبيييييييير في الله

فلما تتيقن هتشوف كل حاجة بشكلها الحقيقي

{ كَلَّا لَوْ تَعْلَمُونَ عِلْمَ الْيَقِينِ } [ التكاثر/5]{ لَتَرَوُنَّ الْجَحِيمَ } [ التكاثر/6]

فبعد كده هتشوف آيات ربنا وتتعامل معاها وتبقي عارف الصح من الغلط

ويطبق آيات ربنا فعلا

مثال لو واحدة مثلا المدرس بتاعها جاي يسلم عليها هي مش هتسلم لو

عندها يقين بالله حتي لو هتكسفه

خلاص هي عارفة إنه غلط وعندها يقين بالله فمش هتعمل الحاجة الغلط دي

أو واحدة لابسة لبس كويس ومتمسكة بيه وبتقول ده لبس أمهات المؤمنين

وده اللي يرضي ربنا حواليها البنات لابسين لبس متبرج وحاجة صعبة أوي

هي بقي مش هاممها خالص وحاسة عااااااااادي جداااااااا ومش حاسة حتي إنها

بتجاهد في النقطة دي

ليه عندها يقين تام إنها هي الصح الناس التانية اللي تعمله انا مليش دعوة انا

بعمل اللي يرضي ربنا وبس

فهمناها

طيب لما يحصل اليقين هيحصل إيه ؟؟

هيحصل

الحب

الله

كلمة جمييييييييييلة أووووووي

هتحب ربنا

طيب هل جزاء الحب إلا الحب؟..

فربنا هيحبك بإذن الله

يانهار أبيض ربنا هيحبني

آآآآه هيحبك

ده لما ربنا يحبك هتحصلك حاجات تخليك حاسس إنك مش علي الدنيا أصلا

يا سلام إيه الكلام ده

هو في مشاعر من دي في الدنيا الخنقة دي

اه في ده الدنيا مش هتكون خنقة أصلا

"..فإن أحببته كنت سمعه الذي يسمع به، وبصره الذي يبصر به، ويده التي يبطش بها ورجله التي يمشي بها..".

الله أكبر هو في أحلي من كده

طيب نيجي نشوف لما يحصل كده هيبقي إيه النتيجة

هو في نتيجة تاني

آه في نتيجة تاني

إحنا لسة موصلناش اللب

دلوقتي هندخل اللب

الإيمان والعلم ده دخلوا اللب

فالعقل بقي هيشتغل بنور ربنا

كما قال ابن مسعود: "يعمل بطاعة الله على نور من الله، يرجو ثواب الله"..

فتشتغل بقي وتعمل في طريق ربنا علي نور من الله

، قال سبحانه وتعالى: { الَّذِينَ يَسْتَمِعُونَ الْقَوْلَ فَيَتَّبِعُونَ أَحْسَنَهُ أُوْلَئِكَ الَّذِينَ هَدَاهُمُ اللَّهُ وَأُوْلَئِكَ هُمْ أُوْلُوا الْأَلْبَابِ } [ الزمر/18]

طيب لو دخلت المعصية الصدر هيحصل إيه ؟؟

ده اللي هنعرفه المرة الجاية بإذن الله

الفهرس
لو دخلت المعصية الصدر هيحصل إيه ؟؟

لو مش لحقنا القلب في المرحلة دي هيحصل إيه ؟؟

انا قلبي مين في دول؟؟

التوقيع

رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَى وَالِدَيَّ وَأَنْ أَعْمَلَ صَالِحًا تَرْضَاهُ وَأَدْخِلْنِي بِرَحْمَتِكَ فِي عِبَادِكَ الصَّالِحِينَ(النمل 19)

آخر تعديل غريبة في دنياي يوم 12-12-2011 في 12:55 AM.

12-06-2011, 01:32 AM

رقم المشاركة : 2

الدعاء سلاح سحرى

قلب متميز

الجنس: female

اسم الدولة Egypt

الدعاء سلاح سحرى غير متواجد حالياً

الدعاء سلاح سحرى is a splendid one to behold

جزاكم الله خيرا

التوقيع

الأعـــــمى يتمـــنى .. أن يشاهد العالم ...
والأصــــــــــــم يتمنى .. سماع الأصوات ..
والمقـــــــعــــد يتمنى .. المشى خطوات ..
والأبكــــــــــــم يتمنى .. أن يقول كلمات ..

.........وأنت ..
تشاهد ♥ ..
تسمع ♥ ..
تمشي ♥ ..
وتتكلم ♥ ..

----------------------------------------------
۩۞۩ فقل الـــــــــــحمد للـــــــــــــــه ۩۞۩

12-06-2011, 02:29 AM

رقم المشاركة : 3

مــؤمنــــة بالله

قلب جديد

الجنس: female

اسم الدولة Egypt

مــؤمنــــة بالله غير متواجد حالياً

مــؤمنــــة بالله is infamous around these parts

جزاكى الله كل خير يا فاطمة
بإذن الله متابعينك

التوقيع

قـررت أغير حياتى

وأعيشهـا من جديد

وانسى كل المـاضى

وأبد من جديد

أبد حيـاة جديدة مليئـة بالايمـان

يكون أنس بيها بالله المتعال

ويكون حبيبى المصطفى معايا فى كل مكان

مــؤمنـــة بالله

12-06-2011, 02:40 AM

رقم المشاركة : 4

امة الرحمن/فاطمة

مشرفة

الجنس: female

اسم الدولة Egypt

امة الرحمن/فاطمة غير متواجد حالياً

جزانا الله وإياكم كل خير

وبارك الله فيكم جميعا

التوقيع

12-06-2011, 05:15 PM

رقم المشاركة : 5

غريبة في دنياي

مشرفة التفريغ

الجنس: female

اسم الدولة Egypt

غريبة في دنياي غير متواجد حالياً

جميل جدا يا فاطمة ماشاء الله
جزاكِ الله خيرا
متابعة معاكي ان شاء الله

التوقيع

سبحان الله..والحمد لله..ولا إله إلا الله..والله أكبر

12-07-2011, 03:40 AM

رقم المشاركة : 6

حنيني

قلب ينبض

الجنس: female

اسم الدولة Egypt

حنيني غير متواجد حالياً

جزاكي الله خيرا يافاطمه
اسلوبك رائع ماشاء الله
متابعه بأذن الله

التوقيع

"قل ياعبادي الذين اسرفوا علي انفسهم لاتقنطوا من رحمة الله ان الله يغفر الذنوب جميعا انه هو الغفور الرحيم"

12-07-2011, 08:33 AM

رقم المشاركة : 7

امة الرحمن/فاطمة

مشرفة

الجنس: female

اسم الدولة Egypt

امة الرحمن/فاطمة غير متواجد حالياً

جزانا الله وإياكم كل خير

وفيكم بارك الله

أنتم الأروع بمروركم

التوقيع

12-07-2011, 09:11 AM

رقم المشاركة : 8

امة الرحمن/فاطمة

مشرفة

الجنس: female

اسم الدولة Egypt

امة الرحمن/فاطمة غير متواجد حالياً

المرة اللي فاتت وقفنا عند لما تيجي المعصية تدخل القلب هيحصل إيه

تعالوا نشوف

لما تدخل المعصية الصدر هيحصل إيه ؟؟

يوسوس الشيطان في الصدر { .. الْوَسْوَاسِ الْخَنَّاسِ } [ الناس/4]{ الَّذِي يُوَسْوِسُ فِي صُدُورِ النَّاسِ } [ الناس/5]،

يوسوس في الصدر

فلو إنشرح الصدر بالوسوسة .. يكمل في التدريج بقي .. معصية ..نفاق .. كفر

ياااااااه القلب يوصل إنه ينشرح بالكفر

هو في قلوب بتنشرح بالكفر

آآآآه

القلوب المريضة

قال الله تعالى: { .. إِلاَّ مَنْ أُكْرِهَ وَقَلْبُهُ مُطْمَئِنٌّ بِالإِيمَانِ وَلَـكِن مَّن شَرَحَ بِالْكُفْرِ صَدْراً.. } [ النحل/106]

بعض الناس تنشرح صدورهم بالكفر،

قال الله تعالى: { وَإِذَا ذُكِرَ اللَّهُ وَحْدَهُ اشْمَأَزَّتْ قُلُوبُ الَّذِينَ لَا يُؤْمِنُونَ بِالْآخِرَةِ وَإِذَا ذُكِرَ الَّذِينَ مِن دُونِهِ إِذَا هُمْ يَسْتَبْشِرُونَ } [ الزمر/45]

ففي صدور تنشرح بالكفر..

صدور تستبشر بالكفر، صدور تحب الكفر، تلتذ بالكفر، تتمتع بالكفر، وتكره الله،

نعوذ بالله

علشان كده لو عايز تعرف قلبك مريض ولا سليم

إعرض قلبك علي القرآن

لو إنشرح بالقرآن فقلبك سليم بإذن الله

لكن لو إنشرح بالأغاني وكلام الناس .. فللأسف مريض

فلو إنشرح الصدر بالوسوسة والنفاق

تنتقل الوسوسة للقلب

فيقلب الشيطان القلب

{ وَنُقَلِّبُ أَفْئِدَتَهُمْ وَأَبْصَارَهُمْ كَمَا لَمْ يُؤْمِنُواْ بِهِ أَوَّلَ مَرَّةٍ.. } [ الأنعام/110]

علي الرغم لما كان في الصدر كان ممكن يتخلص منه بإنه يستعيذ من الشيطان

الرجيم وقال أعوذ بالله من الشيطان الرجيم،

كان رجع الشيطان

لكن سابه يمر في القلب

ولما وصل القلب بدأ يقلبه

فلما يوصل للفؤاد يحصل التثبيت

مش تثبيت الإيمان

لأ

تثبيت الشيطان

في الحالة دي محتاجين عملية جراحية علشان تزيل ده كله

طب ياتري هتعمل إيه؟؟

حل خطير أوووي

بجد الحل الأمثل علشان تقطع المعاصي مرة واحدة

إنك تحبه

أيوة تحب ربنا

لو حبيته مش ممكن تعصيه

ولو عصيته بتسارع للتوبة فمش تتعاقب أو تعصي

العلماء بيقولوا إيه ؟!

المحبة.. ما هو الحب؟ .. أن تمحو من قلبك كل ما سوى المحبوب.. لا يكون

بقلبك أحد إلا من أجل الله يعني كل حاجة بتحبها لأجل الله

تعرفها إزاي من أجل الله

إنها تزيد من قربك من ربنا ومش تأثر علي علاقتك بربنا وتخليك تبعد

علشان كده لو حبيت حاجة أوووي وحست إنها بعدتك عن ربنا فده دليل إن

عندك فراغ في قلبك

لأن لو بتحب ربنا كان هيبقي في نورمن الله يحرق كل الحاجات اللي بتحبها غير ربنا

قال الله تعالى: { وَأَصْبَحَ فُؤَادُ أُمِّ مُوسَى فَارِغاً إِن كَادَتْ لَتُبْدِي بِهِ لَوْلَا أَن رَّبَطْنَا عَلَى قَلْبِهَا لِتَكُونَ مِنَ الْمُؤْمِنِينَ } [ القصص/10]

لذلك إن كادت لتبدي به، كانت ستظهره .. كانت ستقول: ابني. لولا أن ربطنا على قلبها.

تعالوا نفهمها أوضح شوية

الإنسان مخلوق من جزأين.. حفنة تراب ونفخة روح..

حفنة التراب اللي هي الجسم ونفخة الروح اللي هي القلب

فزي ما الجسد بيجوع ويعرى ويمرض ويمل.. فبيحتاج أنه ياكل ويشرب ويستريح ويتروح

فالقلب زي كده بره "الروح"

علشان كده الشاب اللي بيشرب سجاير روحه جعانة وهو مش عارف يأكلها إيه !!!

عنده ظمأ روحي فيسمع للأغاني ويقعد يتنطط

عنده طاقة وبيفرغ الطاقة لأنه مش عارف يفرغ الطاقة فين

مع إنه لو جي وصلي لربنا قلبه هيرتاج

لو جلس يقرأ القرآن قلبه هيرتاح

لو قعد يذكر ربنا قلبه هيرتاح

لو قام الليل وناجي ربنا قلبه هيرتاح

كما قال ابن الجوزي، عندما قالوا له: ما بالنا إذا ملأنا الكوز لا يبرد، فإذا أنقصناه برد؟

لما نملأ القلة حتى الحرف لا تبرد لا تثلج، ولكن لو أنقصناها حتى الزور تبرد.. طبعا الآن لا قلل فيه ثلاجات.. لكن ... كن فاهما معي، لو ملأنا القلة حتى الزور، تثلج المياه وتكون جميلة، لماذا؟

قال: لتعلموا أن الهوى لا يدخل إلا على ناقص.
حتى تعرف أن الهواء لا يدخل إلا على ناقص.

لو كانت محبة الله كاملة في قلبك، ما أحببت غيره، قال الله تعالى: { وَمِنَ النَّاسِ مَن يَتَّخِذُ مِن دُونِ اللّهِ أَندَاداً يُحِبُّونَهُمْ كَحُبِّ اللّهِ وَالَّذِينَ آمَنُواْ أَشَدُّ حُبّاً لِّلّهِ وَلَوْ يَرَى الَّذِينَ ظَلَمُواْ إِذْ يَرَوْنَ الْعَذَابَ أَنَّ الْقُوَّةَ لِلّهِ جَمِيعاً وَأَنَّ اللّهَ شَدِيدُ الْعَذَابِ } [ البقرة/165]

لو قلبك إتملي مستحيل يدخل عليه حد تاني غير ربنا

ثم يقول: "وقيل أن المحبة ألا تفتر عن ذكره ولا تأنس عن غيره" لا تفتر أبدا عن ذكر الله، ولا تأنس بذكر الله سبحانه وتعالى..

وقيل: "المحبة بذل المجهود في معرفة الله، ثم بذل المجهود في مرضاته".
وقيل: "المحبة فطام الجوارح عن أن تستعمل في غير مرضاه الحبيب".

يا سلاااااااام علي المحبة يعني هتفطم قلبك إنه يحب حد غير ربنا

وتفطم لسانك عن أي حاجة ممن تغضب ربنا

وهتفطم عينيك إنها تنظر للحرام

وقيل المحبة شجرة تنبت في القلب..

المحبة شجرة تنبت في القلب تسقى بماء المراقبة -أن تراقبه- وإيثار رضا المحبوب.

وقيل: المحبة حفظ الحدود، فليس بصادق، من ادعى حب الله، ولم يحفظ حدوده.

وقيل: المحبة صدق المجاهدة في أوامر الله عز وجل، وتجريد المتابعة في سنة رسول الله -صلى الله عليه وسلم-

وقيل: المحبة ميلك إلى الله بكليتك

*وده معني حنفاء

أحنف يعني مائل *

مائل الي الله بكليتك

وعن الباطل

وإيثارك له عن نفسك ومالك وروحك وإنك توافقه سرا وجهرا

قال ربك تعالى: { فَلاَ وَرَبِّكَ لاَ يُؤْمِنُونَ حَتَّىَ يُحَكِّمُوكَ فِيمَا شَجَرَ بَيْنَهُمْ ثُمَّ لاَ يَجِدُواْ فِي أَنفُسِهِمْ حَرَجاً مِّمَّا قَضَيْتَ وَيُسَلِّمُواْ تَسْلِيماً } [ النساء/65]..
في الظاهر والباطن..

وبرده تعلم بتقصيرك في حبه

قال عبد الله بن المبارك: "من أعطي شيئا من المحبة ولم يعطى مثله من الخشوع، فهو مخدوع، فالمحبة شجرة في القلب عروقها الذل لله، وساقها معرفة الله، وأغصانها خشية الله، وورقها الحياء من الله، وثمرتها طاعة الله، ومادتها التي تسقيها ذكر الله، فمتى خلا الحب عن شيء من ذلك كان حبك ناقصا، والله لا يقبل إلا الكامل".

طيب لو مش لحقنا القلب في المرحلة دي هيحصل إيه ؟؟

ده اللي هنعرفه المرة الجاية بإذن الله

التوقيع

12-07-2011, 10:19 PM

رقم المشاركة : 9

مــؤمنــــة بالله

قلب جديد

الجنس: female

اسم الدولة Egypt

مــؤمنــــة بالله غير متواجد حالياً

جزاكى الله كل خير يا فاطمة

متابعينك بمشيئة الله

التوقيع

قـررت أغير حياتى

وأعيشهـا من جديد

وانسى كل المـاضى

وأبد من جديد

أبد حيـاة جديدة مليئـة بالايمـان

يكون أنس بيها بالله المتعال

ويكون حبيبى المصطفى معايا فى كل مكان

مــؤمنـــة بالله

12-07-2011, 10:46 PM

رقم المشاركة : 10

أفق يا قلب

مشرفة

الجنس: female

اسم الدولة Egypt

أفق يا قلب غير متواجد حالياً

رااااااااااااائع اللهم بارك
نسأل الله ان يصلح حال قلوبنا
جزاكِ الله خيراً
متابعه ان شاء الله

التوقيع

من ذاق لذة القرب من الله ثم انتكس ,,, فإنه يعيش في الدنيا معذبا

"لإبن القيم"

"وَالَّذِينَ جَاهَدُوا فِينَا لَنَهْدِيَنَّهُمْ سُبُلَنَا"

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قبل شهر رمضـ ♥ــان....... تعالى نتـــــولد من جديد	مشتاقه للجنه	أحلى رمضان في حياتي	3	07-06-2013 10:39 PM
قبل شهر رمضـ ♥ــان....... تعالى نتـــــولد من جديد	مشتاقة إليك يارب	الصحبة الصالحة - للبنات وبس -	3	07-23-2011 04:20 AM
۝❝۝ قبل شهر رمضـ ♥ــان....... تعالى نتـــــولد من جديد ۝❝	قلب معلق بالله	أحلى رمضان في حياتي	5	07-06-2011 08:43 PM
قبل شهر رمضـ ♥ــان....... تعالى نتـــــولد من جديد	مشتاقه للجنه	الصحبة الصالحة - للبنات وبس -	3	06-17-2011 11:48 PM

الذين يشاهدون محتوى الموضوع الآن : 1 ( الأعضاء 0 والزوار 1)