العودة   منتدى أحلى حياة في طاعة الله > استمتع بحياتك > ZoOoOom على حياتنا :: القسم العام ::
التعليمـــات اجعل كافة الأقسام مقروءة

ZoOoOom على حياتنا :: القسم العام :: تعالوا نقرب من مشاكلنا اليومية في الحياة ونعرفها ونفهمها ونحلها

إضافة رد
 
أدوات الموضوع انواع عرض الموضوع
قديم 12-22-2016, 04:04 PM   رقم المشاركة : 1
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

Wink لو عايز تغير حياتك وتشقلب دماغك >> يبقى تتفضل :)

السلام عليكم ورحمة الله وبركاته ..

النهارده عايزة اتكلم معاكم عن موضوع فى غاية الأهمية .. ولو أدركنا أهميته فعلاً

واستغليناها هيعمل فرق كبير اوى وتأثير جامد فى حياتنا ان شاء الله :)

أولاً كده .. مين فينا ممرش بموقف من المواقف دى ؟!

تبقى داخل امتحان وبتقول لنفسك انا مش هحل كويس ..

مش هعرف احل .. انا هنسى الاجابات وانا قاعد ... وفعلااا تدخل حضرتك ومتحلش

وتنسى الاجابات اللى انت لسة مذاكرها وتطلع تقول انا كنت حاسس اساسا

تبقى فى مشكلة وتقول لنفسك انا مش هعرف اتصرف فيها ومش هعرف احلها ,,

وفعلا متتحلش والموضوع يزداد تعقيد !


يبقى فى شغل كتير وراك ومضغوط جدا .. وتقول لنفسك لا انا مش هقدر انجز كل ده

وفعلا متنجزش اى حاجة او تعمل جزء بسيط منه !


بتدور على شغل ,, ووانت بتدور بتقول لنفسك انا مش هلاقى .. وفعلاً متلاقيش !

لما تبقى رايحة انترفيو لشغل مهم وبتقولى لنفسك اكيد مش هيقبلونى ده انا

شكلى كذا وطريقتى فى الكلام كذا ده غير ال body language بتاعتى هتبقى كارثية
وفعلاً متقبلتيش واتوترتى وعكيتى الدنيا فى الكلام !


أول يوم ليك سواقة .. وبتقول لنفسك انا هعمل حادثة .. اكيد هخبط فى اى حاجة وانا

ماشى .. وفعلااااا تلاقى نفسك بقدرة قادر طلعت فوق رصيف وخبطت فى عمود نور

وتقول انا كنت حاسس

ده غير ان الموضوع من دقته ممكن يدخل فى مواقف بسيطة اوى ..

مثلاً ..حضرتك وانت بتشترى اكل من بره وتقول لنفسك انا اكيد همرض بعد ما آكل من

المحل ده .. _مع ان الأكل نضيف جدا_ .. بس فعلا تانى يوم يجيلك تلبك معوى وتقول

انا كنت حاسس !


نضارتى لو اتكسرت منى دى تبقى نهاية العالم بالنسبة لى ودايماً

فى عقل بالى انى لا هشوف ولا هذاكر ولا هعرف اتحرك من غيرها وحياتى كلها

هتقف لحد ما تيجى بالسلامة .. وفعلا ده اللى بيحصل بالظبط !

انا بكره الفيزيا كره العمى .. ومن اول السنة اما كنت فى الثانوية اللى مسيطر عليا

انى لا هعرف اذاكرها ولا هخلصها وهجيب درجة قليلة فيها .. وده اللى حصل بالظبط ..

دخلت الامتحان وفى 3 فصول مجيتش جمبهم (لمجرد إنى مقتنعة إنى مش هخلص

المادة )وكانت اقل درجة فى الشهادة ووقعتلى المجموع .




وغيرها مواقف كتيييير اكيد كلنا بنتعرض ليها يومياً ... والحاجات دى كلها مش صدفة

وتصادف دى ليها أساس علمى مدروس وموجود من عهد القدماء المصريين

اللى حصل فى المواقف دى كلها اسمه
( إيحـاء نفســى )

احنا العقل الباطن عندنا بيمثل 90% من مدركات حياتنا وشعورنا وتفكيرنا .. العقل

الواعى ده مجرد 10% بسسس .. لو حصل ما بينهم صراع مين يكسب ؟!

الباطن طبعاا

أى فكرة أو شعور بتحس بيه بيتخزن غندك فى اللاشعور وبالتالى فى العقل الباطن ..

يبدأ عقلك الباطن يرسل إشارات بتحقيق الفكرة والشعور ده .. ويتحقق يا معلم وتقول

ااااه مانا كنت حاسس !

لا انت حضرتك خزنت الفكرة وعملت إيحاء لعقلك الباطن بتنفيذها .. وعقلك الواعى

مش هيغلب الباطن أبداا ..

انت لما دخلت الامتحان وقبله بتقول لنفسك انا هنسى الاجابات .. هتنسى الاجابات

عقلك الواعى لو حاول يفتكر الاجابات مش هيفتكرها .. الباطن سيطر خلاص وعمل

عملته .. واول ما تخرج من الامتحان وارد جدا تفتكر الاجابة .. خلاص عقلك الواعى

هيشتغل لأن الباطن أدى مهمته فمش محتاج يسيطر عليه !

المشكلة اللى انت واقع فيها ممكن يكون حلها قدااااامك وانت مش شايفه بسبب

الفكرة اللى انت صدرتها لعقلك الباطن انك مش هتعرف تحل المشكلة فبالتالى

هيعمى عقلك الواعى عن إدراك أى حل للمشكلة حتى لو سهل وبسيط !!


انا لما بصدر لعقلى الباطن فكرة انى من غير النضارة مش هعرف اشوف ولا هعرف

اذاكر ولا أنجز أى حاجة عقلى الباطن بيرسل اشارات للعين ولباقى الوظائف الحسية

بالكسل وده اللى كان حاصل طول ما كنت مقتنعة بالفكرة دى .. وحصل العكس تمامًا

لما عالجت الموضوع ده عندى

لما تكون فى موقف هيحتم عليك انك تتكلم ادام مجموعة كبيرة من الناس وتقول

لنفسك انا هتوتر والكلام هيقع منى ومش بعيد كمان اتكعبل ادامهم وانا طالع او وانا

نازل .. وحرفياً ده اللى يحصل ..... انت اديت لعقلك الباطن الاشارة انه ينفذ كل ده ..

وهيحصل بالمللى زى ما كنت متخيل .. فى حين ان العكس تماما ممكن يحصل لو بس

غيرت الإيحاء أو الإشارات دى حتى لو انت معندكش أى soft skills




لااااااااازم ناخد بالنا اوى اوى من الأفكار اللى بنصدرها لعقلنا ,, والله الموضوع فعلا خطير .. انت ممكن تشقلب حياتك لو استغليته صح

كل الأفكار السلبية دى مينفعش تدخل دماغك .. مينفعش تتخزن فى اللاشعور .. لازم تطرد الأفكار السلبية دى كلها وتغير فكرتك عن نفسك وطريقة تفكيرك وإدراكك للأمور.

توماس إديسون بيقول
( لن تستطيع حل مشكلة بنفس الذهن الذى أوجدها )

استحاااااالة تحل مشكلة وانت فكرتك عن نفسك وقدراتك انك مش هتعرف ومش هتقدر !!

اقنع نفسك انك تقدر .. خلى الإشارات اللى هتوصل للعقل الباطن إيجابية

هتلاقى عقلك بيفكر بطريقة جديدة وهيكتشف حاجات مكنتش واخد بالك منها :)


( إذا أردت تغيير انسان .. غيّر فكرته عن نفسه )


انت لو عايز تتغير وعايز حياتك كلها تتغير .. غير أفكارك .. غير فكرتك عن امكانياتك وعن ذاتك وعن شخصيتك ...




فى نموذج مشهور اسمه نموذج مرسيدس ..



النموذج ده هو سبب اختلااااف كل البشر اللى حوالينا

طب بيقول ايه النموذج ده ؟؟

ده بيتكلم عن السلوك والشعور والتفكير .. والتلاتة دول مرتبطين ببعض لأقصى مدى

لو عايز تغير سلوكك يبقى تغير ( تفكيرك وشعورك )

غير فكرتك عن نفسك ,, غير شعورك للموقف هتلاقى سلوكك اتغير والدنيا بقت زى الفل .

لو داخل امتحان وعايز تحل كويس .. هتلعب على التفكير والشعور عشان يديك سلوك

مظبوط .. تفكيرك هيبقى كالآتى
( انا اقدر افتكر كل

الاجابات .. انا اقدر اركز .. انا اقدر انتبه .. انا اقدر اجيب درجة كويسة ... وأى فكرة

إيجابية عن نفسك الزقها معاهم وصدرهم لعقلك الباطن )


طيب عايزين نغير الشعور .. حضرتك هتفتكر انجازاتك

الدراسية وتاريخك المشرف حتى لو التاريخ ده مفيهوش غير امتحان واحد جبت فيه

الدرجة النهائية وكان فى ابتدائى برضو تفتكره وتركز عليه اوى اوى وتفتكر فرحتك

والمكافأة اللى اخدتها .. تفتكر اى امتحان كان صعب وانت ذاكرت كويس وعديت منه

تمام ..وأرجووووك متفتكرش اى حاجة سلبية إطلاقًا ,, وتهون عليك موقف الامتحان

نفسه بحيث التوتر يقل خالص .

وكده هتكون غيرت التفكير والشعور .. وتستعين بالله وهتدخل تلاقى نفسك مركب

موتور فى ايدك وممكن الموضوع يتطور معاك وتطلب ورقة تانية ومبروك عليك الامتياز

وهكذا فى أى موقف تتعرض ليه .. ظبط فكرتك عن نفسك ..


انت تقدر

انت قوى

انت شعلة حماس

انت جواك طاقات وامكانيات يخلوك أحسن واحد فى مجالك

انت تقدر تعدى من المحنة دى

انت هتحل المشكلة دى

انت سعيد ومبسوط

انت الحزن متخلقش ليك

انت مبدع

انت اتخلقت لغاية وهدف محدش غيرك فى الدنيا هيقوم بيه


اشحن نفسك بعبارات إيجابية دايمًا .. والله والله هتفرق معاك حد السماااء




طيب انا دلوقتى جوايا افكار سلبية كتير عن نفسى اخرجها ازاى وابدأ من جديد ازاى

بص يا سيدى احنا هنعمل فلترة لعقلك الباطن .. وده هيكون بنص ساعة كل يوم قبل

ما تنام لمدة اسبوع ... هتسترخى تماماااا وتقفل النور وتبعد عن اى دوشة ويبقى

الجو هادى .. هتغمض عنيك وتفضل تشحن نفسك بأفكار ايجابية وتفتكر كل المواقف

اللى عديت منها بجدارة .. كلها كلها من اول ما وعيت انت مين لحد وقتك الحالى ..

هتهمس لنفسك وتفضل تكرر كل العبارات الإيجابية اللى تيجى على بالك ..

وتفضل ع الحال ده نص ساعة وتناااام .. اسبوع او اسبوعين بالكتير هتلاقى الدنيا

اتظبطت معاك ان شاء الله

انت فى محنة او أزمة نفسية كبيرة .. طول ما انت حابس نفسك وجواك بتقول خلاص

انا مش هقوم تانى .. انا اتكسرت انا أضعف من إنى أعدى محنة زى دى واكمل حياتى

عادى .. انا اتهزيت وثقتى فى نفسى خلاص انعدمت .. وغيرها كتير من الأفكار

السلبية اللى فعلا هتقضى عليك وعمرك ما هتقوم على حيلك تانى لو استمريت

ع الحال ده ..




انا الفترة اللى فاتت عديت بمحنة جامدة وكنت بتكلم مع واحدة صاحبتى وبقولها انا

مش هقدر اعدى منها الموضوع صعب اوى اوى عليا ..

قالتلى بالحرف : اه مش هتعدى طول ما دى فكرتك عن نفسك

وطول ما انتى حاطة فى دماغك انه صعب هيفضل صعب ولو عندك استعداد تكملى بقية حياتك

كده يبقى افضلى فكرى بالطريقة دى وضيعى نفسك بنفسك !

وكلامها ده معرفتش قيمته غير دلوقتى .. والله العظيم احنا ربنا خلقنا بقدرات

وإمكانيات مبهررررررررة .. انت تقدر تهزم اى حاجة وتقدر تعدى أى محنة وتقوم على

رجليك أقوى وأفضل وأحسن بكتيييير من الاول .. لو بس غيرت فكرتك عن نفسك

والأهم طبعا أولاً وأخيرًا ثقتك فى الله وحسن ظنك بيه ..

اصحى كل يوم الصبح وبص فى المراية وابتسم ابتسامة عريضة وافضل قول انا

مبسوط انا سعيدة انا فرحان وهطير من الفرحة .. انا حياتى جميلة .. انا نعم ربنا عليا

متتعدش .. انا الفرحة اتخلقت عشانى .. انا واثق فى نفسى .. انا اقدر اعمل اى

حاجة فى الدنيا .. انا مفيش حاجة تهزمنى أبدا .. انا قدها وقدود ..


لو استمريت على كده هتلاقى يومك اتغير وكلك نشاط وفرحة وحيوية .. وهتشوف

حاجات تفرحك ممكن متكونش واخد بالك منها لمجرد انك اديت اشارة لعقلك الباطن

انك النهارده هتبقى سعيد فبالتلى هيدور على أى حاجة تفرحك واللى هيحصل انك

هتنكش ع الفرحة بمنكاش

غير أفكار هتتغير حياتك .. :))

ودُمتم بخير








    رد مع اقتباس
قديم 12-22-2016, 09:44 PM   رقم المشاركة : 2
رَوْضَـــة
مشرفة
 
الصورة الرمزية رَوْضَـــة

 


الجنس: female

اسم الدولة Egypt

رَوْضَـــة غير متواجد حالياً

 

رَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant futureرَوْضَـــة has a brilliant future

 

افتراضي

وعليكم السلام ورحمة الله وبركاته
ما شاء الله .. ربنا يبارك لك ويكرمك
ذكرتيني بحديث رسول الله -صلى الله عليه وسلم: "لكنك عند الله لست بكاسد"
:
عن أنس بن مالك: أن رجلاً من أهل البادية يُقال له: زاهر بن حرام كان يهدي إلى النبي - صلَّى الله عليه وسلَّم - الهدية
فيجهِّزه رسول الله - صلَّى الله عليْه وسلَّم - إذا أراد أن يخرج،
فقال رسول الله - صلَّى الله عليْه وسلَّم -: ((إن زاهر باديتنا ونحن حاضروه))،
قال: فأتاه النبيُّ - صلَّى الله عليْه وسلَّم - وهو يبيع متاعه فاحتضنه من خلفه والرجل لا يبصره،
فقال: أرسلني، مَن هذا؟ فالتفت إليه، فلمَّا عرف أنه النبي - صلَّى الله عليْه وسلَّم - جعل يلزق ظهره بصدره،
فقال رسول الله - صلَّى الله عليْه وسلَّم -: ((مَن يشتري هذا العبد؟))،
فقال زاهر: تجدني يا رسول الله كاسدًا،
قال: ((لكنك عند الله لستَ بكاسد))، أو قال - صلَّى الله عليْه وسلَّم -: ((بل أنت عند الله غالٍ))

وفكرتيني بالموضوع ده بردو:
انت مش عارف (أنت) مين و لا إيه ؟؟

أحب أضيف الفيديو ده كمان


موضوعك رائع بجد.. جزاكِ الله خيرًا











التوقيع

سبحان الله وبحمده ... سبحان الله العظيم


    رد مع اقتباس
قديم 12-24-2016, 08:26 PM   رقم المشاركة : 3
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي

مشاركاتك دايما ثرية ربنا يباركلك ويرفع قدرك
والحديث ده اول مرة اسمعه ربنا يجازيكى خير ويجعله فى ميزان حسناتك
نورتى واضفتى للموضوع كتير شكرا جزيلا








    رد مع اقتباس
قديم 12-29-2016, 06:44 AM   رقم المشاركة : 4
مع الله أصدق (:
قلب جديد
 
الصورة الرمزية مع الله أصدق (:

 


الجنس: female

اسم الدولة Egypt

مع الله أصدق (: غير متواجد حالياً

 

مع الله أصدق (: is infamous around these parts

 

افتراضي

موضوع جميل وافادني بخصوص اني داخله ع امتحانات (:








    رد مع اقتباس
قديم 12-30-2016, 07:19 PM   رقم المشاركة : 5
نـورهـان
مشرفة
 
الصورة الرمزية نـورهـان

 


الجنس: female

اسم الدولة Egypt

نـورهـان غير متواجد حالياً

 

نـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond reputeنـورهـان has a reputation beyond repute

 

افتراضي

حبيبتى ربنا معاكى ويوفقك ويعينك يارب :)








    رد مع اقتباس
قديم 12-30-2016, 10:52 PM   رقم المشاركة : 6
مع الله أصدق (:
قلب جديد
 
الصورة الرمزية مع الله أصدق (:

 


الجنس: female

اسم الدولة Egypt

مع الله أصدق (: غير متواجد حالياً

 

مع الله أصدق (: is infamous around these parts

 

افتراضي

اقتباس:
المشاركة الأصلية كتبت بواسطة نـورهـان مشاهدة المشاركة
حبيبتى ربنا معاكى ويوفقك ويعينك يارب :)
ولك المثل حبيبتي تسلمي يارب♡







    رد مع اقتباس
إضافة رد

مواقع النشر (المفضلة)

الكلمات الدلالية (Tags)
اتفضل, بغير, دماغك, حياتك, عايز, وتشقلب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
عايز تتغير..بس ..مش عايز !! خايف !! مش عارف !! ( للكبار فقط ) Dr_Mostafa ZoOoOom على حياتنا :: القسم العام :: 64 06-13-2020 04:54 PM
"لـــو بتحــب ربنــــا" إرتقــاء ۩۞۩ .......... أحبك ربي .......... ۩۞۩ 7 07-27-2015 01:59 AM
سلسلة سلوك المسلم الملتزم ﺭﺍﺟﻴﺔ ﺍﻟﺸﻬﺎﺩﻩ ZoOoOom على حياتنا :: القسم العام :: 15 03-10-2014 07:43 PM
قبل رمضان كوني أو لا تكوني أم أنس وحفصة أحلى رمضان في حياتي 15 07-31-2011 12:35 PM


الساعة الآن 09:54 PM

Powered by vBulletin® Version.Copyright ©2000 - 2009, Jelsoft Enterprises Ltd